काठमाडौँ । नवनियुक्त प्रधानमन्त्री केपी शर्मा ओलीले पदभार ग्रहण गरेका छन् । सोमबार पद तथा गोपनियताको शपथग्रहणसँगै सिंहदरबार पुगेर उनले प्रधानमन्त्री तथा मन्त्रिपरिषद् कार्यालयको पदभार ग्रहण गरेका हुन् ।
![pm-kp-oli-2_pJhtJ0lVIh-1721041918.jpg](https://www.kachahari.com/uploads/posts/pm-kp-oli-2_pJhtJ0lVIh-1721041918.jpg)
त्यसअघि उनले लैनचौरस्थित शहीद स्मारकमा रहेका शहीदहरुको शालिकमा माल्यार्पण गरेका थिए । साथै पार्टी केन्द्रिय कार्यालय च्यासला पनि पुगेका थिए । प्रधानमन्त्रीसहित सबै मन्त्रीहरुले आज नै राष्ट्रपति रामचन्द्र पौडेलबाट पद तथा गोपनियताको शपथ ग्रहण गरेका थिए ।
![pm-kp-oli-3_zz0bqkQfX4-1721041866.jpg](https://www.kachahari.com/uploads/posts/pm-kp-oli-3_zz0bqkQfX4-1721041866.jpg)
प्रधानमन्त्री ओलीले शपथ ग्रहण गरेपछि २१ जना मन्त्री नियुक्तिका लागि राष्ट्रपति रामचन्द्र पौडेल समक्ष सिफारिस गरेका थिए । सिफारिस अनुसार राष्ट्रपतिले मन्त्रीहरूलाई नियुक्त गरेपछि सोमबार नै पद तथा गोपनीयताको शपथ लिएका छन् । ओली नेतृत्वको सरकारमा कांग्रेसबाट १०, एमालेबाट ८, जनता समाजवादी पार्टीबाट २ र लोकतान्त्रिक समाजवादी पार्टीबाट १ गरी २१ मन्त्री समेटिएका छन् ।
यस्तो छ ओली मन्त्रिपरिषद्
प्रकाशमान सिंह – उपप्रधान एवम् सहरी विकास मन्त्रालय
विष्णु पौडेल –उपप्रधान एवम् अर्थ मन्त्रालय
पृथ्वीसुब्बा गुरुङ – सञ्चार तथा सूचना प्रविधि मन्त्रालय
रमेश लेखक – गृह मन्त्रालय
शरतसिंह भण्डारी – श्रम, रोजगार तथा सामाजिक सुरक्षा मन्त्रालय
आरजु राणा – परराष्ट्र मन्त्रालय
प्रदीप पौडेल – स्वास्थ्य तथा जनसङ्ख्या मन्त्रालय
बद्री पाण्डे – संस्कृति, पर्यटन तथा नागरिक उड्डयन मन्त्रालय
रामनाथ अधिकारी – कृषि तथा पशुपक्षी मन्त्रालय
प्रदीप यादव – खानेपानी मन्त्रालय
बलराम अधिकारी – भूमि व्यवस्था, सहकारी तथा गरिबी निवारण मन्त्रालय
दामोदर भण्डारी – उद्योग, वाणिज्य तथा आपूर्ति मन्त्रालय
नवलकिशोर साह सुडी – महिला, बालबालिका तथा ज्येष्ठ नागरिक मन्त्रालय
देवेन्द्र दाहाल – भौतिक पूर्वाधार तथा यातायात मन्त्रालय
तेजुलाल चौधरी – युवा तथा खेलकुद मन्त्रालय
अजय चौरसिया – कानुन, न्याय तथा संसदीय मामिला मन्त्रालय
विद्या भट्टराई – शिक्षा, विज्ञान तथा प्रविधि मन्त्रालय
मानवीर राई – रक्षा मन्त्रालय
दीपक खड्का – ऊर्जा, सिचाइँ तथा जलस्रोत मन्त्रालय
राजकुमार गुप्ता – संघीय मामिला तथा सामान्य प्रशासन मन्त्रालय
ऐनबहादुर शाही – वन तथा वातावरण मन्त्रालय
![All-Priminstar-1721042594.jpg](https://www.kachahari.com/uploads/posts/All-Priminstar-1721042594.jpg)
![cover-sapath_K5caA7a1g2-1721042770.jpg](https://www.kachahari.com/uploads/posts/cover-sapath_K5caA7a1g2-1721042770.jpg)
![List-of-Minstar-1721042770.jpg](https://www.kachahari.com/uploads/posts/List-of-Minstar-1721042770.jpg)