उपाध्यक्ष कोष मार्फत अदानचुलीमा तिजको दर खुवाउँदै ।

राजनीति

गृहपृष्ठ
राजनीति
उपाध्यक्ष कोष मार्फत अदानचुलीमा तिजको दर खुवाउँदै ।

तिजको दर उपाध्यक्ष कोष मार्फत अदानचुलीमा तिजको दर खुवाउँदै ।

बिहीबार, भदौ २०, २०८१ कचहरी समाचारदाता

नेपाली नारीहरुको महान पर्व हरितालिका तिजको अवशरमा अदानचुली गाउँपालिकाका नारीहरुलाई उपाध्यक्ष कोष मार्फत तिजको दर खुवाउने भएका छन् । हरेक वर्ष वडा सरकारले तिजको दर खुवाउँदै आएको अवस्थामा यस वर्षको बजेट विनियोजनमा यस्ता कुनै पनि शिर्षकमा बजेट विनियोजन नगरेकै कारण उपाध्यक्षले यस वर्ष आफ्नो कोष मार्फत दर खुवाउन लागेको बताउनु भएको छ ।

बुधबार एक कायक्रमका बिच उहाँले गाउँपालिकाका जिम्मेवार पदाधीकारी र कार्यकारी गाउँमा नभएको करिब २ महिना भैसक्यो, उहाँहरुले यसरी तिज मनाउनु पर्छ भन्ने कुनै कुरा नगरेका र आफु गाउँमै बस्ने भएकाले हरेक दिन महिलाहरु र महिला जनप्रतिनिधिहरु आएर के गर्ने भनेर सोध्दा खेरी मैले बाध्य भएर आफ्नो कोषबाटै भए पनि दर खुवाउन लागेको बताउनु भयो ।

हरेक वर्ष गाउँपालिकाले अध्यक्ष कोष मार्फत ३५ लाख र उपाध्यक्ष कोष मार्फत ३० लाख बिनियोजन गर्ने गरेको छ सोही अनुसार आफ्नो कोषमा गाउँपालिकाले विनियोजन गरेको रकमबाट हरेक वडामा २०।२० हजारका दरले रकम उपलब्ध गराउने घोषणा गर्नु भएको छ । यो सँगै एक मात्र मोर्डिङ स्कुल माउन्ट एभरेष्ट बोर्डिङ् स्कुलका विद्यार्थीहरुका लागि पि फर्म र कार्पेटका लागि २० हजार रकम उपलब्ध गराउने पनि बताउनु भएको छ । सोही विद्यालयले गएको वर्ष प्रा वि स्तरीय हाजीरी जवाफ प्रतियोगितामा भएको खर्च मध्ये १० हजार रुपै गाउँपालिकाका अध्यक्ष मोहन विक्रम सिंहले उपलब्ध गराउनु भएको थियो ।

आज बिहिबार नेपाली नारीहरुको महान पर्व हरीतालिक तिजमा अदानचुली गाउँपालिकाका ६ वटै वडामा दर खानको लागि २०।२० हजार रुपैया उपलब्ध गराउने भएकाले सबै वडाका महिलाहरुले तिजको दर खान र तड्किलो भड्किलो नगरी सामान्य तरिकाले रमाउन आग्रह गर्नु भएको छ ।

प्रकाशित मिति: बिहीबार, भदौ २०, २०८१ ०९:१५

प्रतिक्रिया दिनुहोस्