समन्वयात्मक बैठकको लागि दुई जिल्लाका स्थानीय तहका जनप्रतिनिधि चीनको ताक्लाकोट गए

राजनीति

गृहपृष्ठ
राजनीति
समन्वयात्मक बैठकको लागि दुई जिल्लाका स्थानीय तहका जनप्रतिनिधि चीनको ताक्लाकोट गए

ताक्लाकोट समन्वयात्मक बैठकको लागि दुई जिल्लाका स्थानीय तहका जनप्रतिनिधि चीनको ताक्लाकोट गए

मंगलबार, कात्तिक २७, २०८१ कचहरी समाचारदाता

छिमेकी राष्ट्र चीनसँग जोडिएका हुम्ला र बझाङ जिल्लाका स्थानीय तहका जनप्रतिनिधिहरु बैठकमा सहभागी हुने आज ताक्लाकोट लागेका हुन् ।

आज सदरमुकाम सिमकोटदेखि हिलसा हुँदै ताक्लाकोटतर्फ लागेका हुन् । चीनको बुराङ काउण्टीको ताक्लाकोटको स्थानीय प्रशासनसँग दुई देशबिचको तीन वटा बिषयमा छलफल हुने नाम्खा गाउँपालिका अध्यक्ष प्रेम बहादुर लामाले बताउनुभयो ।

बैठकमा चीनसँगको छलफलमा हिल्सामा निर्माण कार्य भई रहेको मितेरी पुल, कोट व्यवस्थापन र दुई देशका बिचमा आपसी सदभावका विषयमा छलफल हुने सिमकोट गाउँपालका अध्यक्ष विजय भण्डारी (प्रतिरोध)ले बताउनुभयो । बैठकमा भाग लिन हुम्लाबाट नाम्खा गाउँपालिकाका अध्यक्ष लामा, सिमकोट गाउँपालिकाका अध्यक्ष भण्डारी, खार्पुनाथ गाउँपालिकाका अध्यक्ष कर्णबहादुर रावल र ताँजाकोट गाउँपालिकाका अध्यक्ष लालकेश जैसीको सहभागिता रहेको छ ।

यस्तै बझाङ जिल्लाको सुर्मा गाउँपालिकाका अध्यक्ष खड्कबहादुर बोहरा र सैपाल गाउँपालिकाकी उपाध्यक्ष डोल्मा तामाङको सहभागीता हुने भएका छन् । त्यसैगरि कर्मचारीहरुमा हुम्ला जिल्लाका प्रमुख जिल्ला अधिकारी नारायण प्रसाद पाण्डे, नाम्खा गाउँपालिकाका प्रमुख प्रशासकीय अधिकृत नन्दकृष्ण उपाध्याको पनि सहभागिता रहेको छ । बैठक कातिक २८ र २९ गतेसम्म सञ्चालन हुनेछ ।

प्रकाशित मिति: मंगलबार, कात्तिक २७, २०८१ २१:०६

प्रतिक्रिया दिनुहोस्