कर्णाली प्रदेश स्तरीय संयन्त्रको बैठक बस्यो (के के भए निर्णयहरु)

राजनीति

गृहपृष्ठ
राजनीति
कर्णाली प्रदेश स्तरीय संयन्त्रको बैठक बस्यो (के के भए निर्णयहरु)

प्रदेश स्तरीय संयन्त्र कर्णाली प्रदेश स्तरीय संयन्त्रको बैठक बस्यो (के के भए निर्णयहरु)

बुधबार, पुस १७, २०८१ कचहरी समाचारदाता

कर्णाली प्रदेश स्तरीय संयन्त्रको बैठक बसेको छ । कर्णाली प्रदेश सरकारका सत्ता साझेदार दल नेकपा एमाले र नेपाली कांग्रेस सम्मिलित सरकार संचालन प्रदेश स्तरीय संयन्त्रको पहिलो बैठक आज नेकपा एमाले प्रदेश पार्टी कार्यालय सुर्खेतमा बसेको हो ।

प्रदेश स्तरीय संयन्त्रका प्रमुख तथा नेकपा एमाले कर्णाली प्रदेश इन्चार्ज गोरखबहादुर बोगटीको अध्यक्षतामा बसको उक्त बैठकले सरकारले गरेका उपलब्धिको समीक्षा गर्दै थप प्रभावकारी र सफल बनाउन दुबै दलले रचनात्मक भुमिका खेल्ने लगायत निर्णय गरेको हो ।

बैठकमा सहभागी कर्णाली प्रदेश सरकारका मुख्यमन्त्री मा. प्रदेश सरकारले गरेका महत्त्वपूर्ण कामको जानकारी दिनु भएको छ ।

बैठकमा माननीय मुख्यमन्त्री सहित नेकपा एमालेका प्रदेश ईन्चार्ज एवं पार्टी स्थायी कमिटी सदस्य गोरख बोगटी, प्रदेश अध्यक्ष गुलावजंग शाह र उपसचिव रविन्द्रराज शर्मा सहभागी भएका छन् भने सत्ता साझेदार दल नेपाली काङ्ग्रेशका केन्द्रीय कार्यसम्पादन समिति सदस्य एवं प्रदेशका पुर्व मुख्यमन्त्री जिवनबहादुर शाही, प्रदेश अध्यक्ष ललितजंग शाह र महामन्त्री निरन्जन केसीको सहभागीता रहेको हो ।

संयन्त्रको अर्को बैठक आगामी माघ दोस्रो हप्ताभित्र बस्ने समझदारी भएको छ भने अब जिल्ला सङ्यन्त्रका बैठकहरु पनि बस्ने संयन्त्रका संयोजक गोरख बहादुर बोगटीले बताउनु भयो ।

प्रकाशित मिति: बुधबार, पुस १७, २०८१ १९:००

प्रतिक्रिया दिनुहोस्