सुत्केरी व्यथा लागेकी एक महिलाको हेलीकप्टर द्धारा उद्धार

अर्थ र बजार

गृहपृष्ठ
अर्थ र बजार
सुत्केरी व्यथा लागेकी एक महिलाको हेलीकप्टर द्धारा उद्धार

उद्धार सुत्केरी व्यथा लागेकी एक महिलाको हेलीकप्टर द्धारा उद्धार

बिहीबार, माघ २४, २०८१ कचहरी समाचारदाता

हुम्ला । दक्षिण भेगमा रहेको अदानचुली गाउँपालिका–२ स्थित महतरा गाउँकी असली महतरालाई नेपाली सेनाको हेलिकोप्टरमार्फत उद्धार गरिएको छ ।

महतारा सुत्केरी हुने समय नपुग्दै ८ महिनाको अवधीमा हिजो बिहानबाटै उक्त रत्तश्राप भई निरन्तर रगत बगिरहेकाले माघ २४ गते दिउसो सुर्खेतमा उद्धार गरिएको श्रीनगर स्वास्थ्य चौकीका अहेब अशोक महताराले जानकारी दिनु भएको छ ।

महतारालाई माघ २३ गते बिहान ५ बजेबाटै सुत्केरी ब्याथा लागेर बच्चा जन्माउन नसकी निरन्तर रगत धेरै बगीरहेकाले अदानचुली गाउँपालिका स्वास्थ्य शाँखा र स्वास्थ्य सेवा कार्यालय सिमकोटको समन्वयमा राष्ट्रपति महिला उत्थान कार्यक्रम मार्फत हेलिकोप्टर माग गरि उद्धार गरिएको स्वास्थ्य शाँखा प्रमुख विनोद बुढाले जानकारी दिनु भएको छ ।

अदानचुली गाउँपालिका वडा नम्बर २ का लोकेन्द्र महताराकी श्रीमती गल्फागाडमा बस्दै आएकी असली महतारालाई हिजो बिहानै देखी ब्याथा लागेको भएपनि स्वास्थ्य चौकीलाई हिजो राती ९ बजे मात्र जानकारी आएको र जानकारी आएलगत्तै श्रीनगरबाट गाडि मार्फत श्रीनगर स्वास्थ्य चौकीमा ल्याई रातभर उपचार गर्दा पनि सम्भब नभएपछि अनेत्र रिफर गरी सम्बन्धीत निकायलाई जानकारी गराई आज उद्धार गरिएको बताउनु भयो । महतारा अहिले ३१ वर्षको हुँनु हुँन्छ ।

प्रकाशित मिति: बिहीबार, माघ २४, २०८१ १३:४३

प्रतिक्रिया दिनुहोस्