निर्वाचन मार्फत गाउँकमिटिको नयाँ नेतृत्व चयन

राजनीति

गृहपृष्ठ
राजनीति
निर्वाचन मार्फत गाउँकमिटिको नयाँ नेतृत्व चयन

अधिवेशन निर्वाचन मार्फत गाउँकमिटिको नयाँ नेतृत्व चयन

बुधबार, चैत ६, २०८१ कचहरी समाचारदाता

हुम्लाको इतिहासमा माओबादीले पहिलो पटक स्थानीय तहको अधिवेशनमा निर्वाचन मार्फत नेतृत्व चयन गरेको छ । जिल्लाका सबै दलहरुले जिल्ला स्तरका अधिवेशनहरु निर्वाचन मार्फत नेतृत्व चयन गरेको भएपनि स्थानीय तहमा भने निर्वाचन भएको यो पहिलो रेकर्ड हो ।

फागुन २ गत जिल्लाभरका ७ वटै पालिकामा एकैसाथ उद्धघाटन गर्ने निर्णय भएतापनि मौषम प्रतिकुलताका कारण जिल्लाको अदानचुली गाउँ कमिटिटले ३ गते मात्र उद्धघाटन गरी सर्बसम्मत हुँन नसकेकाले आज निर्वाचन मार्फत नयाँ नेतृत्व चयन गरेको छ ।

४५ जना प्रतिनिधिहरु चयन गरी अध्यक्षको लागि धेरैको आकांक्षा देखाएपनि अन्तीममा ३ जना ( तत्कालीन उपाध्यक्ष दृघबहादुर सिंह, जिल्ला कमिटिका सदस्य जानदत्त जैसी र जिल्ला कमिटिका सदस्य सुवर्ण रोकाया) विच सहमती नजुट्दा निर्वाचन मार्फत नयाँ नेतृत्व चयन गरीएको निर्वाचन कमिटिका सदस्य जमानसिंह परियारले बताउनु भयो ।

निर्वाचन परिणाम अनुसार दृघबहादुर सिंहले १६ मत प्राप्त गरी विजयी भएका छन् भने उनका निकटतम् प्रतिद्धन्दी सुवर्ण रोकायाले १३ र अर्का प्रतिस्पर्धी जानदत्त जैसीले १० मत प्राप्त गरी पराजय भएको बताउनु भयो ।

कमिटिको अन्य पदाधीकारी भने सर्बसम्मत भएका हुँन् उपाध्यक्षमा लक्ष्मण फडेरा, नयनसिंह नेपाली र कालीबहादुर बुढा, सचिबमा विरेन्द्र सुनार, कोषध्यक्षमा हिउँवाडी बिस्ट सहित ४५ सदस्यीय नयाँ कमिटि चयन गरेको बताउनु भयो ।

प्रकाशित मिति: बुधबार, चैत ६, २०८१ २१:२३

प्रतिक्रिया दिनुहोस्