एम्बुलेन्सले जनप्रतिनिधी र कर्मचारी बोक्दै

समाज

गृहपृष्ठ
समाज
एम्बुलेन्सले जनप्रतिनिधी र कर्मचारी बोक्दै

एम्बुलेन्स दुरुपयोग एम्बुलेन्सले जनप्रतिनिधी र कर्मचारी बोक्दै एम्बुलेन्सले जनप्रतिनिधी र कर्मचारी बोक्दै

शुक्रबार, भदौ २२, २०८० एजेन्सी

कुनै पनि एम्बुलेन्सले विरामी बोक्नु पर्ने हो तर हुम्ला अदानचुली गाउँपालिकाको एम्बुलेन्सले यतिबेला जनप्रतिनिधी र कर्मचारी बोक्ने गरेको छ ।

गाउँका सर्वसाधारण नागरीकहरु विरामी हुँदा निजि तथा भाडाका गाडीहरु प्रयोग गर्नु पर्ने बाध्यता छ । हुँन त एम्बुलेन्स गाउँपालिकामै हुँन्छ तर स्थानीय नागरीकहरु बिरामी भए एम्बुलेन्सलाई खबर गर्दा समयमा आउदैन, बिरामीको छट्पटाहट निकै देखीए पछि बैकल्पीक उपाय भनेकै निजि गाडी प्रयोग गरेर स्थानीय स्वास्थ्य चौकी देखी अन्य सुबिधा सम्पन्न अस्पतालमा पुगाउनु परेको स्थानीयको गुनासो छ ।
पालिकामा विरामीहरुका लागि सेवा प्रवाह भईरहेको एम्बुलेन्सले शुक्रबार सकडको काममा खटीएका केही जनप्रतिनिधी र कर्मचारीहरुलाई बोकेर गल्फागाड गएसगै स्थानीयको चर्को आलोचना भयो,आलोचना भए लगत्तै बिच बाटोबाट एम्बुलेन्स फिर्ता भएको हो ।

वल्र्ड बैंक मार्फत गल्फागाड पाम्स सम्म निर्माण हुने पहिलो चरणको सडकमा क्षेती पुग्न सक्ने जग्गाकोे रेखाङ्कनका लागि गाउँपालिकामा पुगेका प्राविधिक(अमिनहरु)र केही जनप्रतिनिधीहरुले एम्बुलेन्स प्रयोग गरेको स्थानीयले बताएका हुँन् । यता कर्मचारी मंगल भण्डारीले आफुहरुले बाध्यता भएर एम्बुलेन्स प्रयोग गरेको बताए । कार्यालयको कामकाजका लागी निजि सवारी साधन नभए पछि अन्तमाः एम्बुलेन्स प्रयोग गरेको उहाँले स्वीकार गर्नुभयो । यस अघि पालिकाले प्रयोग गरेको निजी गाडीको भाडा भुक्तानी नगरे पछि कसैले पनि गाडी दिन नमाने पछि बाध्य भएर एम्बुलेन्स लिएको तर स्थानीयको बिरोध पछि फिर्ता भएको बताए ।

प्रकाशित मिति: शुक्रबार, भदौ २२, २०८० १९:४०

#एम्बुलेन्स

प्रतिक्रिया दिनुहोस्