सुविधाले ल्याएको त्रास

समाज

गृहपृष्ठ
समाज
सुविधाले ल्याएको त्रास

पहिरोको उच्च जोखिम सुविधाले ल्याएको त्रास सडक खन्दा पहिरोको उच्च जोखिम

शनिबार, भदौ २३, २०८० एजेन्सी

हुम्ला ताजाकोट गाँउपालिकाका हरेक वडाहरुमा सडक पु–याउने नाममा जथाभावी डोजर चलाएर सडक खन्दा पालिकाका अधिकांस बस्तीहरु पहिरोको उच्च जोखिममा रहेका छन् ।
डोजर अपरेटरका भरमा जथाभावी सडकको ट्र्याक खन्दा पहिरोको जोखिम बढेको हो । निर्वाचनका समयमा गाउँ घरमा सडक पु–याउने नेताले गरेका बाचा अनुसार खनिएका सडकहरुले पालिकामा समस्या निम्त्याएको छ ।
गाँउमा विकास भनेकै सडक मात्र हो जसरी भए पनि सडक खन्नु पर्छ भन्ने उदेश्यका साथ मनपरि सडक खनेकाले पहिरोको उच्च जोखिम बढ्दै गएको स्थानीयको भनाई छ । यस अघि पनि २०७७ साल साउनमा आएको बाढिपहिरोमा परि ताजाकोट गाँउपालिका ४ उत्तेसेनिका २३ घरहरुमा पुर्ण रुपमा क्षेती बनाउदा परिवारहरु विस्थापीत हुँन बाध्य भएका थिए,भने २ सय ५३ परिवारका घरहरु भत्केर उच्च जोखीममा भएका थिए । त्यतीबेला पहिरोले घर बगाए पछि पाल तथा अरुको घर गोठमा बस्न बाध्य भएका थिए ।
गाँउपालिकामा रहेका १८ बिद्यालय मध्ये अधिकांश बिद्यालयहरु पनि पहिरोको जोखिममा रहेका छन् । धर्मोदय माबि,मदनदेब माबी लगायतका विद्यालयहरु पनि पहिरोले भत्काएको छ भने अन्य बिद्यालय पनि पहिरोको जोखिममा रहेका छन् । पहिरोका कारण उतिसेनी, छप्प्रेला बजार, भदालदीपु, गल्लावाडा,खरा,देउलागैरा,चौतारीवाडा,भियालवाडा, काउला लामगडा गाउँमा धेरै क्षति पुगेको थियो ।
यो ठुलो क्षेति भएकाले बाहीर आएता पनि गाँउमा पानी पर्ना साथ सानातिना पहिराकोे समस्या भईरहेको पाईन्छ । सम्भाव्यता अध्ययन तथा सर्वेक्षण बिनानै खनिएका यस्ता सडकले बस्तीनै पहिराको उच्च जोखिममा रहेको ताँजाकोट ४ का स्थानीय समेत रहेका नेकपा एमाले प्रदेश कमिटि सदस्य पुर्णप्रसाद ढकालको भनाइ छ । उनले स्थानीय, संघ र प्रदेशबाट आएका सडकका योजनाहरुमा जनप्रतिनिधिहरुले मनपरि तरीकाले खन्दा पहिरोको क्षेतिसँगै गुणस्तरहिन सडक बनेका प्रति चित्त नबुझेको बताउनु भयो ।
उनले भने, ‘मनपरि खनिएका सडकले गर्दा कतिखेर पहिरो आउने थाहा छैन् ।’ यहाँका ग्रामीण सडक वर्षासँगै जोखिमा पर्नुका साथै बस्ती समेत जोखिममा रहेका मात्रै छैनन् यहाँका नागरीकहरु त्रासै त्रासले सुत्नु परेको बताउनु भयो ।
सडक निर्माणमा चलेको होडबाजीले यहाँका गाउँ–गाउँमा गाडी सुविधा पुगे पनि थुप्रै ठाउँमा अहिले पहिरो आउँदा सडकमा समस्या देखिने गरेको छ । जथाभावी खनिएका ती सडकका कारण पछिल्लो समय गाँउका वस्तीहरु पहिरोको उच्च जोखीममा छन् । डोजर अपरेटरको भरमा वातावरणीय प्रभाव मुल्याङकन नगरी सडक खनेको ताजाकोट गाँउपालिका नि.प्रमुख प्रशासकिय अधिकृत राजेन्द्र श्याङ्कुले स्वीकार गर्र्नु भयो ।
गाँउपालिका अध्यक्ष लालकेश जैसिले भने आफु निर्वाचित हुँनु भन्दा अगाडि र अहिले आफु निवार्चित भैसके पछि पनि बजेटको अभाव,भौगोलिक विकटता जस्ता विभिन्न समस्याका कारणले प्राविधिक र वातावरणीय प्रभाव मूल्याङ्कन विनानै सडक खनेको स्वीकार गर्नु भयो ।
अध्यक्ष जैसीले भने “अघिल्लो कार्यकालका जनप्रतिनिधिहरुले सडक खन्दा प्राविधिक कुरामा ध्यान नदिएकाले पछि आउने आफुहरुले पनि त्यति ध्यान नदिदा पहिरोको उच्च खोजीमको समस्या बढेको बताउनु हुँदै जनतालाई विकास चाहिएको हो, विकास गर्ने क्रममा केही मात्रमा विनास हुन्छ नै तर पनि धेरैनै विनास हुने होकी भन्ने कुरामा स्थानीय सरकार चिन्तीत छ” ।
विकास गर्ने नाममा मनपरि डोजर(जेसीबी)चलाएर जनताका घरजग्गामा क्षेति गर्नुका साथै विपदको उच्च जोखीम बढेको छ गाउँमा विकास भन्दा विनाश धेरै भएको छ । विकासले राज्यको पैसा खर्च भयो तर जनतालाई घर जग्गाको चिन्ता बढेको छ । समयमै पहिरोको लागि उचित व्यवस्थापन गर्न आवश्क देखिन्छ ।

प्रकाशित मिति: शनिबार, भदौ २३, २०८० १९:४२

#पहिरोको जोखिम

प्रतिक्रिया दिनुहोस्